F67.	Nader, As My Siel
(RUBRIEK: Kontemporęr – Toewyding / Geloof en Vertroue)
Teks en Musiek:	Louis Brittz
© MAR Gospel Music Publishers
(Opgeneem op Nuwe Lof  met Louis Brittz)

In die skadu van die Allerhoogste
Sal ek steeds my skuiling vind
U is naby my, ek kom naby U

Soos ‘n boom digby ‘n waterstroom
Vind ek my lewe net by U
U is naby my, ek kom naby U

Nader, steeds nader 
Ek smag na U, soveel meer van U
Nader, veel nader
Groei ek aan U
U is nader as my siel

In die koue van die winternag
Voel ek U liefde soos ‘n vuur
U is naby my ek kom naby U
In my rou as twyfel om my vou
Weet ek U los my nooit alleen
U is naby my ek kom naby U